BEGU vs Sibolis

Hata BEGU dapot jahaon di :
Bibel : Mateus 14 ayat 26, Lukas 4 ayat 31-37, Lukas 24 ayat 37
Buku Ende No. 117 ayat 3, BE No. 113 ayat 3 & BE No. 317 ayat 6

Hasiaran : Mateus 9 ayat 32
Adong ma namamboan tu jolo ni Jesus sada halak na ngungu hasiaran ni Sibolis……..
Sibolis do na siar tu jolma, ala Sibolis do nasiar, diboto do sude parsorion ni jolma songoni na dibagasan roha ni jolmai.

Tondi : Parjamita 12 ayat 7 : Mulak orbuki tu tano pambuatanna hian, alai anggo tondi mulak tu Debata, nampunasa hian.
Marhite sian ayat on dapot botoon ma: Ndang boi jalang angka tondi ni na mate laho mangalap hosa ni namangolu.

Lukas 16 …….
Ndang tarbahen tondi ni halak namora na matei siar tu haha-anggina paboahon porsuk ni parniahapanna, gabe tu si Abaraham do ibana mangelek-elek asa disuru si Lazarus manopot haha-angginai.

Pandok ni sipele begu : gabe begu do tondi ni halak na mate (namate satongkin, mate di porang, mate tingki manubuhon dakdanakna, mate maningkot d.n.a.) songon nanidok ni donganta halak Karo andorang so sahat tu nasida Barita Nauli : tondi gabe begu, buk jadi ijuk, jukut jadi taneh, tulan jadi batu, dareh jadi lau, kesah jadi angin – jadi di halak sipele begu tung margogo do begu ni namatei ima umbahen naadong digoari: sombaon, (parsombaonan), Solobean (inganan ni begu di atas tao, laut manang aek godang), pangulubalang (begu naniciptahon ni parilmu sian jolma nadipamate).

Alai anggo di ha-Kristenon suruan ni Sibolis do angka nanidokna begu i, 1 Korint 8 ayat 4: Taringot pe begu di hata ni Debata ndang maksudna disi tondi ni halak namate, alai maksudna ima angka suruan ni sibolis laho paliluhon roha ni jolmai. Mansai malo do Sibolis manegai halak namanjalo Barita Nauli, songon haroro ni Barita Nauli tu Halak Batak, ihut do dohot Sibolis laho manegai haporseaon ni Halak Batak gabe digogohon sibolis ido asa mabiar Halak Batak tu Begu.
Godang do Halak Batak na boi dipengaruhi Sibolisi, gabe mabiar nasida mida Begu, gabe ala ni biarna dibahen ma angka goarna: begu siar, begu nurnur, parmata begu, dohot paralimu.
Dirajumi Apostel Paulus do: Halak Kristen na gale do na sai porsea jala mabiar tu begu.
Molo sai adong dope di roha ni halak Kristen mabiar mida begu, songoni dope halolonga ni parsaoranta dohot Debata.

HATINDANGHON PAMBAHENAN NI DEBATA

THEMA : HATINDANGHON PAMBAHENAN NI DEBATA DIBAGASAN NGOLUM MARHITE ANGKA ENDE PUJIPUJIAN

Buku Psalmen (Mazmur) ima punguan ni angka Ende pujipujian tu Debata Adong do sifat na khusus jumping di buku Psalmen, ima na mansai tangkas mangondolhon taringot tu Debata, ndada taringot tu jolma, atik pe dihatahon i marhite kesaksian secara pribadi – punguan – manang bangso pe.

Pesta PASKAH : 2 Musa 12 ayat 14
Pesta PARLAPELAPEAN : 3 Musa 23: ayat 34

Beha do hita songon Keluarga Kristen, manang songon angka na porsea secara pribadinmlaho marningot pambahenan, pasu-pasu dohot panogu-noguon ni Debata dibagasan ngolunta
Tagamon ala ni angka kesibukan gabe hurang mananda jala marningot hita Di campur tangan dohot diangka pasupasu nanilehon ni Debata tu hita.

Beha do hasadaon ditongatonga ni keluarganta be dibagasan ngolu partondion Tagamon bersifat tradisi sambing ma angka kehadiranta tu Gareja, partangiangan

Dipasu-pasu jala dipargogoi Debata ma hita laho manghangoluhon lomo ni roha ni Debata asa taruli bohal mananongtong ro di saleleng ni lelengna.

Tangiang Pelean:
Ale Debata, Amanami na di banua ginjang, Ho doharoroan ni saluhut silehonlehon
na denggan dohot nasa ulibasa namauliutus.
Hupasahat hami ma sian nanilehonMi tu hami, peleannami tu Ho.
Sai jala mai gabe uap nahunsus di jolom, pasupasu mai jala ramoti diparhaseang Huriam
Pelean on, patimbulhon harajaonMu, ditonga-tonga ni Huriam dohot di portibion
Buhai ma rohanami marhite-hite tondiM, asa lam hutanda hami godang ni
Silehon-lehonMi tu hami, asa lam girgir hami mandok mauliate tu Ho,
Marhite-hite Jesus Kristus Tuhannami.

Amen.

SELAMAT PASKAH JESUS SUDAH BANGKIT

JAMITA DI PARNINGOTAN DI HAHEHEON NI TUHAN JESUS KRISTUS

Barita Nauli na sinurathon ni si JOHANNES Bindu 20
mamungka sian ayat 1 sahat ro di ayat 18 songon on ma didok "----------------------------------------------------------------------------".

Andorang so hupungka manjaha jamita/renungan on, parjolo ma ahu dohot sude keluargaku pasahathon tu hamu: SELAMAT PASKAH “JESUS SUDAH BANGKIT”
Na di ari Jumat tanggal 25 Maret 2005 nadidok “Jumat Agung” marpungu do sude Halak Kristen di Garejana be patupahon ulaon di Parningotan ni Hamamate ni Tuhanta Jesus Kristus

Hamatean” ima sada fakta na so boi tulahon ni sude namangolu jala songon nanidok ni endentai: nasa jolma ingkon mate. Ndang adong nanggo sahalak pe naboi mangalo hamateani, namora, napogos, nasangap, nalea ndang adong sada hapistaran pen a boi manahan haroro ni hamatean i, sude do ingkon mamolus hmatean i. Molo songgop hamatean tu bagasan sadasada keluarga, sude do tarilu-ilu, tumatangis, marsak, dohot angka tondong nahumaliang pe sude dohot marhabot ni roha.

Tung habiaran situtu do hamatean i. Ala ni biar ni halak Batak tu hamatean i, tarida do i dipandohan molo laho manaringoti na mate halak Batak ditonga ni jabu sai parjolo do didok
“Santabi di Jabu on”, Songoni ma hebat ni hamatean i, sude do manghabiari, “boasa ? ala ndang adong naumbotosa tudia molo dung mate.

Di Ari Parningotan ni hamamate ni Tuhanta Jesus Kristus, tangkas do tabege di partangiangan passion, ngalut ni partinaonan ni Jesus laho mangadopi hamatean i, dipasiaksiak, dilinsingi, sahat tu na dipajalhon Ibana di Hau Pinarsilang i, ingkon adopan ni Jesus hamatean i ndang ala ni dosaNa, manang ala ni hajahatonna, alai dijalo Ibana do i “ala ni holong ni rohaNa di hita jolma pardosa on, ingkon mate Ibana humonghop hita, jala gabe dosa Ibana na so mardosa hian.

Di namarningot hita sadarion di ari haheheon ni Tuhanta Jesus Kristus, parjolo sahali naeng idaonta disi ima:

01. BUKTI (1) : Haheheon = Kebangkitan
Sugari ndang hehe Jesus sian namate, aha ma gunana hita martangiang, ala Jesus namate i ndang mungkin mambege tangiangta.
Sugari ndang hehe Kristus sian namate, ndang marguna be manjaha angka barita nadisurathon di Bibelta i.

02. BUKTI (2) pajumpang dohot Jesus naung hehe i, Songoni pe lelengna angka sisean ni Tuhan I rap dohot Tuhan Jesus, laos so adong do sian nasida namarningot pandohan ni Jesus “ Hehe do Ibana di ari patoluhon” (Markus 9 ayat 31-32).

Malahan, angka alo ni Jesus do namarningot, ima angka Parise dohot Siboto Surat. Laho pe Boru-Boru na ias roha I tu Tanoman ni Jesus di manogotna dung tolu ari, ndang ala nadiingot nasida pandohan ni Jesus namandok “Hehe Ibana di ari patoluhon” ndaong – alai ala ni adat hasomalan do di nasida ima molo adong na mate, di ari patoluhon dung mate sai laho do nasida tu tanoman ni na mate i.

Ala ni holong ni roha nasida do di Jesus naung mate i umbahen nalaho nasida tu tanoman i ndang ala ni ajaran dohot tona ni Jesus tu nasida saleleleng rap dope nasida Songoni do parlao ni angka boru-boru tu tanoman ni Jesus jala nasida ma parjolo umbotosa naung hehe Jesus sian na mate
Molo di hita halak Batak didok ma marsuap manang manuan ompu-ompu.

Songoni do nang hita halak Batak Kristen: Molo ditingki Ulaon na Hohom di ari parningotan ni hamamate ni Tuhan Jesus, dung didok Pandita sian jolo an, dungi tos ma hosaNa” torop do boru-boru tangis, sosombopon tarlobi molo dipalu giting-giting tolu hali.

Ra, Ra do da hudok, ndang tangis hita marningot partinaonan ni Tuhantai laho humonghop dosantai, ate angka Inang, alai natarsingot do rohanta di angka natahaholongi naung jumolo monding ate??

03. BUKTI (3) Ngolu Naimbaru
Didok Tuhan Jesus tu si Maria “Unang Ahu Jama” ai ndang dope nangkok Ahu tu Ama i. Nalaho nangkok ma Ahu tu Damang jala Amamuna, tu Debatanghu jala Debatamuna. (ayat 17), Dipatuduhon Jesus do disi, Ngolu Naimbaru, tugas dohot kewajiban, huhut patuduhon makna dingolu naimbaru tu angka naporseai, jala haheheon i gabe jombatan hadomuan ni jolma pardosai gabe boi marsaor dohot Debata dibagasan holong ni roha ni Debata.

Haheheoni patuduhon huaso ni Debata namamonggolhon huaso ni sibolis na sai manegai parsaoranta dohot Debata. Asa tangkas sahat nang tu hita hapapatar ni Haheheon ni Tuhanta Jesus, taargahon ma ngoluntai, unang tapansuasaehon tapadao ma pargadombuson, halosohon, parhosomon dohot parbadaan, dohot lan na asing angka pangalaho na so nihalomohon ni Debata.

Hita naung manjalo ngolu naimbaru marhite hamamate ni Jesus humonghop hita, jala naung hehe sian namate laho mangondihon hita, ingkon do arga bahenonta ngoluntai.

Ra, jot6jotan do hita na so manghilala porlu ni ngolui di hita, “boasa” ala so dung dope hita mate. Antong porlu do jolo hita mate asa taargai ngoluntai?? Ah, songon namambuat cuti ate.
Antong, anggo songoni, porlu situtu do hita merobah sikap maradophon ngolui. Molo di nasaleleng on, tapanghilalahon ngolui songon na otomatis, manang ro dohot sandirina, lapatanna salpu sadarion, marsogot ro muse ngolui. Ise sian hita na boi manjamin bahwa marsogot mangolu dope hita.

Tangkas jala tahaporseai do ia adong ngolunta on, ngolu nasian Debata do. Ganup sogot dilehon Debata ngolui di hita. Molo songoni do haporseaonta, na sian Debata do ngolu i tama do hita mandok mauliate tu Debata, jala manghilalahon betapa berharganya ngolu i. Ganup sogot, tingki karejo, mulaanta ma dibagasan las ni roha huhut mandok “Mauliate ma Tuhan”, dilehon Ho dope di ahu sada ari dohot ngolu naimbaru.

Disada tingki di ari haheheon ni Tuhan Jesus, hudohoti do sada kebaktian subuh di tanoman, mansai holom dope, hundul ma ahu di sada batu nisan, jala dina samarsamar hujaha ma goar ni na mate di tanoman nahuhunduli i, tompu ma ahu sadar ndang mate dope ahu

Panghorhon ni haporseaonta: Mate Tuhanta Jesus, jala hehe sian namate, laho padomuhon hita jolma na mardosa hian dohot Debata asa dapot hita hangoluan sogot di inganan naung pinarade ni Tuhanta di angka naporseai.

Antong dohononta ma:
Jo hamatean, sude do halak mabiar marnida ho, molo mandok goarmu pe hamatean dibagasan jabu ingkon jolo marsantabi, molo songgop ho ditongatonga ni sada keluarga, sude do tumatangis, molo pinapungu ilu-ilu ni halak Batak ala ni ho nunga gumodang sian aek na di tao toba an.

Alai, anggo nuaeng ndang huhabiari be ho, ai porsea do ahu, naung hehe Tuhanku sian namate jala naung manobus sude dosanghu, namangondihon ahu molo tung ro pe ho tu ahu, ai nunga rade hasonangan di ahu napinarade ni Tuhanku.

Paskah, patubegehon barita: silehon-lehon ni Debata do ngolu on, antong taargahon ma, ndang holan mangargahon dohot do disi tugas ima pangoluhon ngolui marhite pangalaho namasihaholongan hita sama hita, songon panghaholongion ni Debata di ganup hita.

Amen

Apostel Paulus di Philippi

1. Dung ditadingkon Ap. Paulus Philippi hira-hira di taon 50 leleng do ibana maringanan jala marjamita di Tesalonika, Pola ni Jamitana ima: ANGGO JESUS SONGON NAHINATINDANGKON NI PADAN NAROBI, INGKON MARSITAONON DO, MATE JALA DITANOM, ALAI HEHE DO MUSE MANALUHON HAMATEAN I.

2. Maralo do tu roha ni Jahudi na di Tesalonika taringot tu jamita ni Ap. Paulus on, gabe hona lele ma ibana.

3. Rap dohot si Silvanus dohot si Timotheus haruar sian Tesalonika laho dompak Brea. Alai sian tongan dalan disuru si Paulus do si Timotheus mulak tu Tesalonika lao mangaramoti Huria i.

4. Dung manang sadia leleng si Timotheus di Tesalonika, mansai dihagiothon Huria i do asa mulak si Paulus tu Tesalonika laho mangajari nasida mardomu tu haroro ni Kristus paduahalihon i.

5. I ma dasarna si Paulus mambahen suratna naparjolo tu Huria na di Tesalonika on.

6. Manat do si Paulus paboahon taringot tu tingki haroro ni Kristus paduahalihon i. Didok do ndang adong umbotosa, ai songon panangko borngin do harorona, dibaheni asa tongtong jaga nasida unang tarlalap (tarpodom) hira margira so tudia.

Songon Halak Kristen naporsea hita di haroro ni Kristus napadua halihon i, tama do hita paradehon dirinta, unang lalap, alai asa mangolu hita dibagasan : Haporseaon, Marholong ni roha (Agape) dohot marpanghirimon (1 Korint 13 ayat 13), Alai unang gabe ndang mangula hita alai tongtong do radotan angka ulaon nauli i.: songon na nidok ni Martin Luther : Agia manogot ro Kristus i, tongtong do radothonongku ulaonku namangula jala mamutik parbue ni anggur na sian porlakhi.

Jala molo dung songoni nunga singkop saluhutna haporseaonta dohot Pangulaonta mangoloi pangidoan ni Kristus I di ngolunta dohononta ma: Ai ia mangolu pe hita, mangolu di Tuhan I do, jala ia mate pe hita mate di Tuhan I do, Asa ia mangilu manang mate pe hita, tong do di Tuhan I hita. (Rom. 14 ayat 8).

1 Petrus 1: 5 – 9

Jamita: 1 Petrus 1: 5 – 9

1. Adong do panghirimon i ma Jesus Kristus
   Ayat tudosan di jaminan ni Tuhanta: Rom 8: 28 Alai taboto do, saluhutna do manumpak
   tu nadenggan di angka namarholong ni roha di Debata, angka najinouNa sian tahina hian.


2. Tudosan ni hasusaan: 2 Korint 4: 8 – Dinasaluhut do hami marhaposuhon, alai ndang hapusohan; tarsosak, alai ndang tarhapit.
   
   Diantusi Apostel Petrus do: Keadaan ni huria na dipisolatan (Pontus, Galatia, Kapadosia, Asia dohot Bitinia) - tahilala do ngolu na dipaisolatan on:
   - ima maksud ni Ap. Petrus mandok tu Huriai
   - nang tu hita pe hinaarga dohot hinaringkot ni
   - haporseaon tu Jesus Kristus asa gabe ojahan
   - di nasida (di hita) di tano paisolatan on.
   
   Ai didok do di 1 Korint 3: 11
   Ai ndang tarpauli ojahan na asing, dungkon ni naung OJak i, i ma Jesus Kristus.
   
   Kesimpulan:
   Dibaheni marhite haporseaonta di Jesus Kristus: Naeng ma hita marpanghirimon (mandok: nalao salpu do ngolu na di portibion) Alai tongtong ma mangolu hita secara aktif dohot namar- holong ni roha tu Debata dohot tu dongan jolma.
   


3. (Mateus 22: 37-40) – sihaholonganmu do………..

RENUNGAN HUT KE-70 St. V. HUTAGALUNG

Sabtu, tgl. 07 Juli 2007

Renungan : Epesus 2: ayat 8-10
08. Ai sian asi ni roha do, umbahen namalua hamu, dalan haporseaon, Jala ndada binahenmuna, silehonlehon ni Debata do.
09. Nda tung sian parulan i, asa unang adong na mamuji diri
10. Ai jadijadianNa do hita, angka natinompa dibagasan Kristus Jesus, asa marulaon na denggan hita; ai angka i do dipature Debata hian, asa taparangehon i.

Di parpunguanta sadari on, i ma na mandok mauliate tu Debata siala pangiring-iring dohot pangaramotionna di hita, tarlobi di namanghalashon ari hatutubu ni Bapak Rindo na marumur ma ibana na di tgl. 3 Juli 2007 i toho 70 taon. Molo dung sahat hita tu namarumur 70 taon taida ma songon pandok ni par-Psalmen i di Bindu 90 ayat 10: Ari-ari ni taonnami, intap pitupulu taon do i, jala molo marhagogoon situtu dieak do ualupulu taon, jala hinadenggan nasida do *hangaluton dohot halojaon, ai hatop situtu do laho salpu, jala habang do hami.

Molo dung dilehon Debata tu hita umur sahat tu 70 taon, lam tangkas ma hita manghabengethon jala pasolhothon dirinta tu harajaon ni Debata dohot tangiang pangidoan songon na tarusurat di ayat 12 na mandok: Sai parrohai ma hami mamilangi angka ariarinami, asa dapotan roha na bisuk hami.

“SELAMAT ULANGTAHUN MA DI GURU I, TUHAN JESUS MEMBERKATI”

Hutanda do Guru on sian hadakdanakonna dohot 2 halak ibotonami si Tilomse dohot si Louise, jala tibu do monding Inanguda nahinan, jala ndang sanga hutanda, jala nadiparorot namboru ma halahon dohot Ompung. (Ompung Babiat). Ala sai burju do ahu ro tu Sidikhil, 3 halak ma Inanguda na so hutanda sian 9 halak Inangnami, ima Inanguda par-batulayap – Inanguda Guru on – dohot Inanguda Japangi. Sian haposoonna, naburju do Guru on marhata ni Debata, sahat tu na gabe Sintua ibana, pension sian hasintuaon, alai jotjot do maralo pandapothu di hata ni Debata dohot Guru on ai letterlijk do di Guru on hata ni Debata na tarsurat i.

Ma dung husonggak Guru on ala ni alus na letterlijk i. Di na dibasa-basahaon Debata di nasida sada dakdanak baoa, borhat ma ibana dohot Anggiboru tu Rumah Sakit. Jadi di namulak ibana tu bagas mansai las rohanami nadipaboa ibana naung sorang dakdanak baoa.

Alai husungkun ma ibana: Ise do dibaen ho nuaeng manjaga nasida di Rumah Sakit, ai binot do minim ni service ni Rumah sakit ditingki i. Alus ni Guru on tu ahu: DIJAGA TUHAN I DO I. Migor silbak ma huhilala alusna i, migor husonggak ma ibana: Dirimpu ho do Jongosmu Tuhan i?? Ala ni biarna ma diida muruk ahu, mangangkat ma ibana mulak tu Rumah sakit. Ima las ni roha di Guru on, ndang olo mangalo alai migor do diulahon.

Nuaeng sahat ma hita tu renunganta sadarion:
Di ayat 8. didok : Ai sian asi ni roha do, umbahen namalua hamu, dalan haporseaon Jala ndada binahenmuna, silehonlehon ni Debata do.

Secara jujur, molo sadar hita jala ta-etong huhut tasurathon godang ni pasu-pasu natajalo sian Asi ni Roha ni Debata, mamungka sian dung ditubuhon hita tu portibion, ra ndang cukup be buku tulis na di Toko Buku an pakeonta lao manurathon, jala ndang hasuratan hita be ra ala ni godangna, ai setiap detik do ngolunta on diramoti Debata hita.
Setiap detik do hita diramoti, setiap detik do hita diparmudu, hatorangan ni pangaramotion ni Debata di hita jaha hamu ma : Mateus 6: 25-33.

Alai ingkon jamot do hita: Unang ala ni haporseaonta gabe ndang tapabidang lapatan ni Asi ni rohai, gabe marmals-malas hita dohot pangantusion: tole ma da Asi do roha ni Tuhani, sarihonna do na porlu di ngolunta on. Ndang gabe songoni maksud ni Asi ni roha ni Debata ai dilehon do roha tu Tondinta, ingkon mangula do hita, marparsaoran, jala dibagasan haporseaonta di asi ni roha ni Tuhanta di hita saluhut do panggulmit ni ngolunta on pasahatonta tu Ibana, sian mulai hehe hita sian namodom, sahat tu nanaeng modom hita muse saluhut do ngolunta on jolo tapasahat tu Debata mangido asi ni rohana dohot pangaramotionNa di hita.

Di ayat 9 didok turpuk on do: Nda tung sian parulan i, asa unang adong na mamuji diri
Godang do sian halak Kristen namandok seakan-akan dialah Orang Percaya ala pemikiranna burju ibana marminggu, burju manjaha hata ni Debata, burju ro tu partangiangan gabe ro tu rohana mandok um-badia do ibana sian angka donganna pola sipata gabe dipadao dirina sian angka donganna nasahaporseaon.

Molo adong di ibana hamoraon, hasangapon dohot hapistaran, didok rohana na sian gogona sandiri do dapotsa i sude. Gabe tubu ma egoisme dohot arogan dibagasan dirina, na ingkon hatana sibegeon, jala ingkon ibana ma na ingkon sioloan.

Dilehon Debata tu hita pasu-pasuna marhite angka ulaonta siganup ari, tahasabamhon ma i marhite angka pangalahonta na serep, dohot namanghamauliatehon, unang gabe ala ni keberhasilanta i, tapasombu masuk Sibolis tu bagasan dirinta Gabe marhuaso ma portibion mangatur pardalan ni ngolunta jala gabe berubah ma pamujionta dohot haporseaonta.ai ndang hasintongan di Asi ni Roha ni Debata be na marhuaso dohot namangatur ngolu haporseaonta i. gabe tubu ma ginjang ni roha, Egois dohot Arogan. Ala ni i Jotjot do ndang tasadari gabe tahalupahon Asi ni roha ni Debata na tajalo: jala gabe jotjot ma haruar sian pamanganta mandok:
“ANGGO SO ALA AHU” Gabe talupahon Rencana ni Debata nanilehonna marhite-hite hita: Ai molo taurupi pe dongan, sian rencana ni Debata do i. Parhitean do hita. Ingkon tahaporseai do bahwa setiap tajalo pasu-pasu ni Debata siala Asi ni rohaNa di hita, ima: di hagabeon, hasangapon, hamoraon, hapistaran dohot angka naasingi, disi terselip do rencana ni Debata tu hita, asa unang taboan pasu-pasunai gabe tu pargadombuson, ginjang ni roha dohot angka pangalaho, na so dihalomohon Debata

Unang ma dibibirta mandok: Pasupasu ni Tuani do i.
Manang : Syukurlah Tuhan memberkati. Hape dibagasan rohanta marhuaso Sibolis i, gabe taparsoada i sude marhite pangalahonta dohot pambahenanta tu na humaliang hita.

Di Surat na tu halak Heber di Bindu 13. ayat 5 didok: Unang ma marholong ni roha di hepeng pangalahomuna, hasabamhon hamu ma na adong……….

Songoni do molo ro sebalikna : molo ro hangaluton, kegagalan di ngolunta on, ingkon do nihasabamhon, unang gabe marhuaso Sibolis i, gabe ro ma pandelean, jalaolo ma ro tu rohanta menghujat Debata. Ingot ma hita songon na didok di: Didok di 1 Tesalonika 5 ayat 18 songon on: Mandok mauliate ma hamu ala saluhutna: ai ido dipangido Debata sian hamumarhitehite Kristus Jesus

10. Ai jadijadianNa do hita, angka natinompa dibagasan Kristus Jesus,asa marulaon
na denggan hita; ai angka i do dipature Debata hian, asa taparangehon i.
Di halak Hindu Bali didok: Tubu jolmai tu Portibion nunga diboan amplopna, alai ndang diboto aha isi ni amplop I, jadi ingkon burju ibana manungkun tu Panditana marhite naburju mangoloi ugamona.

Dihita halak Kristen : songon na didok di ayat 10 on:…………………………….
Nunga dilengkapi hita” ida telapak tangan 2 M = Momento Mori
Momento Gratia – Momento Kreatori.
Barita ni sahalak na mora pengusaha Real Estate
2 Anakna Baoa dohot 1 Boruna.
Dolidoli na pogos hian, burju martangiang mangido asi ni roha ni Debata, manggadis Buku Gereja, berhasil sahat tu namamora jong.
Naeng lomo-lomana ma sude ingkon ihutonon ni anakhonna, dohot angka karyawanna.
1 anakna Olahragawan dipaksa ingkon Singkola Teknik – tabrakan gabe geger otak
1 anakna hoby musik dipaksa ingkon singkola Hukum – gabe pecandu Narkoba
Boruna ingkon muli tu doli-doli namora – lao mangalua tu na pogos lomo ni rohana
Sude Karyawanna manadingkon ibana, Isterina marsahit Kanker.

Diputus ni rohana, dihujat ibana ma Debata jala gabe songon na gilo ma ibana
Ro ma sora mandok: Aha ma gunana di ho, nang pe diomo ho sandok tano on anggo mate do tondim. (Mateus 16 ayat 26)

10 SIINGOTON DI NGOLU SIAPARI:

1. 
   
   HEHE MA HO : Arion do najinadihon ni Jahowa, marolop-olop jala marlas ni roha ma hita disi. (Psalm. 118 ayat 24: )


2. 
   
   BERHIASLAH: Cara terbaik untuk berhias adalah tersenyum. Senyuman adalah cara yang tak ternilai mahalnya untuk meningkatkan penampilan anda.
   Ai ndada marguru parnidaan ni jolma parnidaan ni Debata: ianggo jolma rupa do naniidana, alai anggo Jahowa, roha dibagasan do naniidana. (1 Samuel 16 ayat 7)


3. 
   
   SIP MA HO. Hatahon ma angka hata na denggan (kata-kata manis) jala parsiajari manangihon. Ai dilehon Debata do di hita 2 pinggol jala sada pamangan namarlapatan do ingkon gumodang hita manangihon sian manghatai.


4. 
   
   Manang ise namamompomi pamanganna, ido namangaramoti hosanna, alai manang is napangangang bibirna, hamagoan do ujungna. (Poda 13 : 3)


5. 
   
   Manang ise sialap manaruhon hata, ima namanjehehon hahomion, jala unang angkupangkupi halak sijubajabi. (Poda 20: 19)


6. 
   
   Sai tangihon ma hata sipaingot jala jangkon pangajaran, asa gabe pistar ho dihasusuda ni bohalmu, (Poda 19 : 20)


7. 
   
   JONGJONG MA HO
   Togu ma ho jongjong, tiop ma na di ho, partahanhon ma i, unang madabu ho ala ni sada na so suman. Galatia 6 ayat 9-10:
   9. Alai unang marnaloja hita mambahen na denggan, ai na manggotil do hita
   muse di tingkina i, anggo so pargale hita nuaeng.
   10. Antong, binsan sadihari dope, taulahon ma na denggan tu saluhut halak,
   alai gumodang ma tu donganta sahaporseaon.


8. 
   
   BERENG MA DOMPAK DEBATA:
   Saluhutna do tarpatupa ahu marhite-hite IBANA, namargogoihon ahu. (Philippi 4: 13)


9. 
   
   JATA MA : Jata ma natumimbo-nadumenggan, sai pajotjot mancubo mangulahon na lobi denggan.


10. 
    
    MARTANGIANG MA HO:
    Unang holsohon hamu agia aha, alai sandok pabotohon hamu ma tu Debata pangidoanmu marhite-hite tangiang dohot elek-elek mardongan mauliate. (Philipi 4 ayat 6)
    
    JALA DAME NI DEBATA NA SUMURUNG SIAN SALUHUT ROHA, IMA MANGARAMOTI ANGKA ATEATE DOHOT PINGKIRANMUNA DIBAGASAN KRISTUS JESUS.
    AMEN
    

St. D.P.Hutagalung


Antong : JAHA SEVEN UPS

Epesus 2 ayat 4 – 10 :
Isi ni haporseaon ni halak Kristen:
Asi ni Roha ni Debata na manompa ngolu na imbaru dibagasan Jesus Kristus dohot haporseaon dohot parulaan na denggan.

di Ugamo na asing : Pangulaon/perbuatan
di ulahon ma na denggan asa dapotan pahala, di paruhuman na parpudi ndang adong asi ni roha, holan parulaan na denggan do napaluahon.

Galatia 5 ayat 15 – 21 : Di adopan ni Debata naung mate do sude jolma i.

ASI NI ROHA:
Rom 5 ayat 8 : Alai ia Debata, dipapatar do holong ni rohana i di hita, uju pardosa dope hita, ai disi do mate Kristus humunghop hita.

Rom. 11 ayat 6 :
Ndang adong cukup gogo ni jolma mangulahon haporseaon ia so ala ASI NI ROHA.

1 Joh.4 ayat 8 : ALLAH ADALAH KASIH
ayat 5 : Ndang sude jolma manjalo Asi ni Roha na khusus i.,
manang ngolu naimbarui.
Ayat 8 : Holan na porsea di Jesus Kristus do.

PUNGUAN NI JAMITA DOHOT ENDE

Alasan ni Apostel Paulus manurathon surat na di Bindu 15 on ima: huroha ditingkii manang napiga-piga ruas na di Huria Korint naso porsea di haheheon ni angka naung matei jala marhite pandohani nasida huhut ndang porsea/menyangkal haheheon ni Jeus Kristus sian namate huhut menyangkal haheheon nasida sandiri . dipungka Apostel Paulus ma patoranghon tu nasida songon na disurathon di ayat 12 –14 :

Maksud ni Apostel Paulus di suratna on ima napabotohon tu halak Kristen na di Korint nang tu hita nang tu sude halak Kristen naporsea di panghokhop ni Jesus Kristus bahwa nang pe tarihot/terletak do hamuliaon ni ha-Kristenoni di parngoluonta na so sempurnai dope di portibion alai inti ni ha-Kristenoni ndang holan memandang hangoluan na di portibion alai apala naumporlu ima manghirim tu hangoluan di ari sogot ima hangoluan nasaleleng ni lelengna di surgoi, ima hangoluan na sempurna, kekal dan abadi siala panobuson ni dosanta marhite panaonon ni Tuhanta Jesus kristus di Hau Pinarsilangi.

Jempek do anggo ngolunta di portibion alai anggo tujuanta ima di hangoluan sogot di inganan naung pinarade ni Tuhanta di angka naporseai di surgo hasonangani.

Di ayat 50 didok:……………

Maksudna disi, ima: Ia dagingon daging natawarisi sian si Adam jolma naparjoloi, daging/pamatang naolo busuk do on jala ndang talub manjalo bagian dibagasan harajaon banua ginjangi, jala diharoro ni Tuhanta Jesus Kristus napaduahalihoni ingkon jolo ubaonna pamatang portibi ni angka naporsea tu Jesus Kristus gabe pamatang rohani.
IDA: Pilippi 3 ayat 21 (hal: 249)_ asa tarjalosa manang asa dapot bagian dibagasan harajaon banua ginjangi di Surgo hasonangani.

RO MA SUNGKUN-SUNGKUN:
DIHARORO NI TUHAN JESUS PADUAHALIHONI BEHA DO ANGKA NAMANGOLUI DOPE.

Dialusi Apostel Paulus ma songon natarsurat di ayat: 51-54

Alai asa lobi tangkas botoonta taringot tu sungkun-sungkuni taida ma natarsurat di: 1 Tesalonika 4: 15 – 17 (hal. 257)

Apostel Paulus patoranghon perobahan ni pamatang ni naporsea naung matei songoni nang perubahan ni pamatang ni naporsea namangolu diharoro ni Tuhan napadua halihon sogot, ima dibagasan sangkidop mata manolukhon pamatang naimbaru tu pamatang ni angka naporseai asa talub nasida maringan di hangoluan namarhasonangan di harajaon banua ginjang di surgoi.

Di na ro Jesusi paduahalihon rap dohot pangulu angka suru-suruan manghuling ma disi sarune jala dibagasan sanghidop mata disolukhon ma pamatang partohap di harajaon banua ginjangi tu naporsea naung matei dohot naporsea na mangolui dope asa borhat nasida tu ombun nadilangitan mandapothon inganan naung pinarade di angka nasida naporsea di Jesusi
Jala taringot tu hamonangan ni Jesus songon natarsurat di ayat 55 mandok:……………………………………………….

Taringot tu ayat on tu haheheon sian namate diangka naporseai nadisadur Apostel Paulus do sian hata ni Panurirang Hosea ima: HOSEA 13: ayat 14 namandok: (1050)

Di AYAT 56 didok: ……………..

Kesadaran ni jolma di dosai ima nanidokna sorop ni hamateani jala marhite parbinotoan ni jolma di Patik ni Debata nasampului diboto jolmai dosa naniulanai.
Marhuaso do sorop (dosa) hamateani tu jolmai (1 MUSA 2 : ayat 17) (hal.3)

Sahalak do parohon dosa hamateani di jolmai (Rom 5 ayat 12-14)(hal: 194) jala sahalak do napataluhon hamatean ala ni dosai ima Tuhanta Jesus Kristus
(1 Korint 15 ayat 21) (hal: 221)

Alanii hita naung ditobus Jesus sian gonggoman ni dosa hamateani jala dipadame Jesus hita dohot Debata Amai gabe dapotan hasesaan ni dosa hita jala marhitei dihatongtongon ni haporseaonta dipanghonghop naI gabe parsidohot hita sogot di harajaon banua ginjangi.

ANTONG TAINGOT MA:
MOMENTO MORI – MOMENTO KREATORIOS – MOMENTO GRATIA.

ASA DINAUNG TABOLUS UJUNG TAON NI PARHURIAON ON MASUK MA HITA TU MINGGU PANGARADEON DI HARORO NI SIPANOBUSI IMA MINGGU ADVENT NA OPATI.

1 Tesalonika 4: 13-14

13. Alai naeng ma tangkas botoonmuna,
ale angka dongan, taringot tu angka
naung monding i, asa unang marsak
hamu, songon angka naleban,
na so marpanghirimon i.

14. Ai, molo porsea hita naung mate Jesus
dohot hehe, sandok togihonon ni Debata
do rap dohot Jesus nang angka naung
monding marhite-hite Ibana.

Pillipi 1: 21

21. Ai Kristus do hangoluan di ahu, jala laba
nang hamatea,

Jamita Hatangkangon ni roha

Ripe (Parumaen) na tinggal sajabu dohot Simatuana, Ndang dung harmonis kehidupan sehari-hari antara Parumaen dohot Simatua Boru Lao ma Parumaen on tu Datu mangido asa boi mate simatua na on nanget-nanget unang sekaligus, unang gabe adong persoalan manang tuntutan.
Boi ninna Datu on alai dohot 3 syarat sipatupaonna, Andorang so dipainumhon ho ubat on tu simatuami ingkon ulahononmu 3 syarat, anggo ndang diulahon, gabe mangonai tu ibana ula-ula i. Syaratna :
1. Denggan sise simatuam molo pajumpang bohi (horas Inang, manang gora dohot hata: Inong)
2. Sungkun simatuam: asa patupaonmu sipanganonna, manang lompaonmu aek las paridionna, dohot cuci pakeanna.
3. Molo borngin, manghata-hatai hamu, jala ndang boi ho modom saleleng so modom simatuami.
Painumhon ma rasun on 3 x sadari
Dung diulahon songoni, gabe ro ma balikna: gabe denggan ma parsaoran nasida, gabe mabiar ma Parumaen, unang gabe mate simatuana ala ni burjuna.
Lao ma tu Datu asa dilean tawar ni rasun i. Didok Datu i. Ai situak ni loba do rasun nanileannas i.

Jamita tu halak na marsak dohot hagogotan

Psalmen 42 ayat 2-6
Ende : BE. No.222 & 428.

TANGIANG DI PESTA PARHEHEON NI AMA HKBP KEBUN JERUK

ALE JAHOWA DEBATA AMANAMI NAMARHABANGSA DI BANUA GINJANG, PUJI-PUJIAN JALA HASANGAPON MA DI GOARMU.

di Ari Parningotan di Parheheon ni Ama di Huriam di HKBP Resort Kebun Jeruk on, diparhatopot rohanami do, siala Asi ni roham sambing do Tuhan, umbahen na tarbahen hami marpungu dijolom, marsada ni roha martangiang tu Ho,.

Ale Jahowa, diparbaga-baga Ho do dibagasan HataM, molo adong dua manang tolu halak marpungu marhite-hite GoarMu, lehononMu do napinangido nasida. Antong Asi ma roham ale Debata Jahowa, pasaut ma baga-bagaMi tu hami jala tangihon ma tangiang dohot pangidoannami on.

Ale Jahowa Debata, asi ma roham, Sungguli ma roha ni angka Ama Ruas ni Huriamon, asa marparangehon hatami, sumolukhon parasi ni rohaon, dohot haserepon, asa masipaune-unean, masiasi-asian dohot masitogu-toguan,

Diparhatopot rohanami do Tuhan, ndang adong gogonami mangalangkahon langkanami agia salangka pe, ia so ala Asi ni rohMi di hami. Mauliate ma Tuhan, Pargogoi ma Roha dohot Pingkirannami Ama di huriamon, padaohon roha panginsahion, roha late dohot ginjang ni roha, asa marhite Asi ni rohaMI, saluhut pambahenannami marhite-hite hata dohot pangulaon, tongtong dibagasan haholongon dohot dame na sian Ho.
Pargogoi jala parbisuhi ma Ama di Huriamon manogu-nogu ruas ni huriam, mangurupi angka na pogos dohot na dibagasan hagogotan marhite-hite pangulaon di hatam dohot tangiang.

Pasu-pasu ma nahu-ula hami di angka parkarejoannami , asa saluhut manghorhon las ni roha, jala sungguli rohanami mandok mauliate jala pasangaphon Ho disude panggulmit ni ngolunami.
Pargogoi huhut parbisuhi ma hami, manogunogu dakdanak napinasahatMi tu jolonami, asa hutogu-togu hami nasida pasangaphon Ho. Marhite pangaramotiM, dao ma sian hami parsahiton songoni nang angka parmaraan.

Ndang lupa hami Tuhan, mamboan di tangiangnami on, Ruas Ina ni Huriam, asa pasu-pasuonmu nasida dibagasan Asi ni Roham, asa marroha nasida songon roha Ina ni Halak Kristen, toman, porman mardongan holong ni roha jala asa marsabam ni roha nasida, atik humurang di angka sipatupaon di ngolu siapari on.

Asi ma roham ale Jahowa, di angka Ina namabalu, dohot di dakdanak na so mar-ama na so mar-ina, apuli jala pasu-pasu ngolu nasida, padao sian nasida pandelean, lehon di nasida hasabamon dohot pos ni roha. na adong do Ho ale Tuhan na gabe Ama jala sumarihon nasida.

Di angka dakdanak ni Huriam, sian parsingkola minggu, remaja, naposo bulung, Asi ma roham, pasu-pasu jala ramoti nasida Tuhan di perkembangan ni ngolu nasida, lehon di nasida burju ni roha marsiajar, pasu-pasuhon di nasida hapistaran dohot tobok ni roha. Di hasusaan mandiori lapangan kerja ditingki on, unang pasombu anakhon ni huriamon ndang dapotan lapangan kerja, togu jala patuduhon di nasida ulaon natama na gabe penopang di ngoluna.

Padao anakhon ni huriam sian tahi-tahi ni sibolis, tarlobi Tuhan asa pasidingonmu nasida sian narkoba. Molo tung adong Tuhan sian anakhon ni Huriamon naung kecanduan narkoba, nagabe sahit di natorasna, ndang adong Tuhan natalub lao mangubati i.
Alai namaporus ma hami tu asi ni rohaMi, asa palua ma nasida sian kecanduan i.
Ale Tuhan Jesus, holan sandok do didok Ho tu namapitungi migor do marnida simalolongna, Asi ma roham ale Tuhan Jesus, dok ma tu nasida hata hamalumon i, asa malua nasida sian kecanduan narkoba i, unang pasombu nasida ambolong, paulak nasida tu dalanmu na sintong i.

Sungguli jala paringgas roha ni Naposom, angka Pandita dohot Parhalado ni Huriam na di Pusat sahat tu Pagaran, marmahani ruas ni huriam, solukhon tu nasida parasi rohaon dohot habasaron, dohot haserepon, lao mangapuli angka namarsak, mangurupi angka nadangol, maningkir angka ruasmu na dibagasan parsahitan dohot nahagogotan, huhut paingothon nasida di hatamu jala manangianghon nasida, asa manghorhon di pos ni roha dohot haporseaon ni angka na marsak, namarsahit, dohot nahagogotan na Ho sambing do ale Debata mual ni nasa Asi ni roha.
Lean Tondi parjamita di naposom, asa marparbue tu nadenggan jamita nasida di angka namanangihon jala asa diulahon..

Pasu-pasu ma angka pangajari di Huriam, Guru Singkola Minggu, Guru Koor, dohot sude nasida Tuhan namangalehon gogo dohot pingkiranna lao manghobasi ulaon ni Huriami, parbisuhi huhut pargogoi nasida asa dibagasan ringgas ni roha nasida mangulahon ulaoni.

Ramoti jala togu-togu ma namanggomi hami, Presiden dohot sude Aparatna, asa marbisuk nasida patureture negaranami on dohot rakyatna. Palua ma hami Tuhan sian angka bencana na terjadi di negaranami on. Apuli dongannami na hona bencana alam, songoni nang angka naharaparan. dohot na di inganan pangungsian.

Tangihon jala Oloi ma pangidoannami i nahusombahon hami tu adopanmu nabadia i, marhite Goar ni Anakmu Tuhan Jesus Kristus, Tuhan jala sihokkop hami. Mauliate ma Tuhan - AMEN

TANGIANG PEMBUKA MARJAMITA

ALE TUHAN DEBATA, AMANAMI NAMARHABANGSA DI BANUA GINJANG, SAI PINARBADIA MA GOARMU.
NAMARPUNGU DO HAMI RUAS NI PADUAN SUARA IMMANUEL DI INGANAN ON MAMUJI HO HUHUT MANDOK MAULIATE TU HO, ALA DILEHON HO TU HAMI HADAMEON DOHOT HAHOLONGON SAHAT TU NAMARNINGOT HAMI DI ASI NI ROHAMI DI HAMU NUNGA SAHAT TU NAUNG 16 TAON JONGJONG PUNGUAN ON.

NUAENG DI PARPUNGUANNAMI ON, NAENG BEGEONNAMI SIAN HATAMI ASA GABE BOHAL DI HAMI LAO MAMOLUS ARI-ARINAMI, ANTONG SURU MA TONDI PARBADIAMI PASAHATHON HATAMI , HUHUT PATIURHON ROHANAMI ASA PUNGU ROHANAMI MANJALO HATAM, JALA ASA TORANG HUANTUSI HAMI HATAM NA BINARITAHON TU HAMI.

SAI RAMOTI MA HAMI UNANG HITINGGALHON HAMI HATAM, JALA ASA UNANG HUALO HAMI SUDE PARENTAMU, JALA SAI LEHON MA DIHAMI ROHA NA HOHOM DOHOT PAMOMPOMON NI ROHA ASA MANGULA HATAMI DIBAGASAN HAMI JALA ASA DIPANGOLU HATAMI HAMI DOHOT SALUHUT HURIAM.

TINGKI ON DIPARPUNGUANNAMI ON, DITOO HO DO AHU MARHITE PANGIDOAN NI PUNGUAN ON LAO PASAHATHON HATAMI, ANTONG ASI MA ROHAM JOLO SESA MA DOSANGHU JALA URASI AU ASA TALUB AHU GABE ULA-ULAM LAO PASAHATHON JAMITA ON;

DIBAGASAN GOAR NI ANAKMU TUHAN JESUS KRISTUS HUSOMBAHON TANGIANGHON, MAULIATE MA TUHAN. AMEN.

Disamping ni Tangiang di Ulaon ni Huria dohot Tangiang di angka Pesta napinatupa di tonga-tonga ni Ulaon Huria, adong 2 (dua) terselip tangiang na boi parsiajaran ni ruas dihaporluanna.

1. TANGIANG MANGIDO ARI NA HASEA.
2. TANGIANG JUMPA SEGA NANIULA

Di tangiang na dua on: sai parjolo do dipangido hasesaan ni dosa, jala di tangiang di jumpa srga naniula diuduti do dung mangido hasesaan ni dosa : asa unang dibaloshon Debata pambahenan nasida nahurang i.
Dung i didok ma : Sai pasu-pasu ma sipanganon naotik i, asa gabe sipargogo tu dagingnami, sai lehon di hami hangoluan siganup ari, jala palua sian hagogotan angka na hahurangan i.

Jadi di tingki jumpa sega naniula, namandok angka arsak namasa tu iba ditonga-tonga ni parkarejoanta, ditonga-tonga ni keluarga, di parsaripeon, di parsahiton dohot lan angka arsak namasa tu hita, sude do si hamauliatehononhon.

Jadi disude namasa las ni roha arsak pe ingkon sidok mauliate do hita di si.
Ai songon Endenta na mandok : Manang aha pe na masa las ni roha arsak pe Pujionhu Ho Nabasa, namarholong roha pe

Jadi unang ma olo hita menghujat Debata siala ni angka sitaonon.

Alai tutu, ala halak nagale jala gok dosa do hita ditagam roha do mangula sibolis i manegai haporseaonta, alai taingot ma : manolsoli dosa parulaanta i tu jolo ni Debata mangido Asi ni RohaNa di angka pangalaosionta ditingki hagaleonta i.

EGOIS - AROGAN


TANGIANG:
Ale Tuhan Debata Amanami.
Nunga marpungu hami dison di ari ……….. (dibagas ni ……) laho manangihon hataMi.
Sai buhai ma pinggol dohot rohanami asa marlas ni roha hami manangihon hatam nabadia i jala ringgas hami manimbangi dohot umpeop hatam dibagasan rohanami, asa pos rohanami martangiang tu Ho. Urupi ma hami, asa huparhaseang hami angka ari-ari ni ngolunami najempek i.
Sai lehon jala patubu ma di hami haporseaon na sintong. Tambai ma haporseaonnami ganup ari asa lam togu. Lehon ma di hami holong ni roha na so marpangansi asa holong rohanami di Ho dohot di dongannami jolma.
Lehon ma di hami panghirimon na mangolu asa marlas ni roha hami mambahen lomo ni rohaMi.
Sai olio ma pangidoannami ala ni AnakMu Tuhan Jesus Kristus Tuhannami….AMEN….

Lukas 12 ayat 34: Ai disi artamuna, disi do rohamuna

1 Tim. 3 ayat 16 : Ai nasa surat I sinihathon ni Debata do,
jala hasea mamodai, maminsang, pauliulihon,
manogunogu dibagasan hatigoran

Ende No. 280 : Tongtong tutu na denggan do…….

Ende No. 283 : Nang sipata dipabenda Debata ……….

Jesaya 24 s/d Jesaya 27 : NUBUAT “Sude do ingkon marujung”

Mateus 26 ayat 69-75 : Pansoadahon ni si Petrus di Jesus

Jesaya 25 ayat 1 – 8 : Pangapulon tu na menderita

Sian angka na pogos na hagogotan do ro puji-pujian tu Debata
Ai anggo butong iba mamuji Debata, biasa do i. Ai sipele begu pe diboto do mandok songon i.

MISERIKORDIAS DOMINI = ASI NI ROHA NI TUHAN
Psalm 33 ayat 5b: Gok Asi Ni Roha Ni Jahowa do tano on.

Epesus 2 ayat 4 – 10 :
Isi ni haporseaon ni halak Kristen:
Asi ni Roha ni Debata na manompa ngolu na imbaru
dibagasan Jesus Kristus dohot haporseaon dohot parulaan na
denggan.

di Ugamo na asing : Pangulaon/perbuatan
di ulahon ma na denggan asa dapotan pahala, di
paruhuman na parpudi ndang adong asi ni roha, holan parulaan na denggan do napaluahon.

Galatia 5 ayat 15 – 21 :
Di adopan ni Debata naung mate do sude jolma i.

ASI NI ROHA:
Rom 5 ayat 8 : Alai ia Debata, dipapatar do holong ni rohana i di hita, uju pardosa dope hita, ai disi do mate Kristus humunghop hita.

Rom. 11 ayat 6 : Ndang adong cukup gogo ni jolma mangulahon haporseaon ia so ala ASI NI ROHA.

1 Joh.4 ayat 8 : ALLAH ADALAH KASIH
ayat 5 : Ndang sude jolma manjalo Asi ni Roha na khusus i.,
manang ngolu naimbarui.
Ayat 8 : Hola na porsea di Jesus Kristus do.

1 Joh 4 ayat 19: KITA MENGASIHI ALLAH

Ilustrasi : 1. si Buruk dohot si Molek
: 2. Molo dioloi Debata sude tangiangta:
contoh: Dewi Fajar =AURORA dht si TITHONIUS
ZEUS Raja ni sude Dewa mangalehon
kesempatan tu si Aurora mangido sada
pangidoan. Dipangido ma asa sai tongtong
uli jala poso.

Panurirang Jeremia

Jeremia 1 ayat 5.
Didok Debata: Tagan so hujadihon dope ho di bortian, nunga hutanda hian ho, jala tagan so haruar dope ho sian ampuan ni natorasmu, nunga huparbadiai hian ho, hupabangkit ho gabe panurirang tu angka bangso.

Gabe Panurirang dung marumur 19 taon, hape manurut paraturan ni Jahudi, ingkon jolo marumur baoa 30 taon asa boi gabe malim.
4 Musa 4: ayat 3, 23 dohot 30.

JEREMIA SANDIRI DUNG DO MANGUJAT DEBATA ALA NI HANSIT NI PARTINAONANNA : Jer. 20 ayat 7-8.

JEREMIA : MANJAMITAHON HAMAGOON NI BANGSONA I. GABE SAI NA HONA REHE IBANA.

PANURIRANG NA ASING : GUMODANG DO MANDOK HASONANGAN DOHOT HADAMEON DO NAMASA

Gabe marungkil do Panurirang Jeremia laho paboahon hata ni Debata tu donganna sabangso, ai holan na hona rehe do ibana. Jer. 20. 9-10

Boi do masa tu hita songon namasa tu si Jeremia oajolo. Hira namarhuaso do portibion mangatur pardalan ni ngolunta. Ndang hasintongan be na boi marhuaso jala namangatur ngolu ni naporseai.

Marungkil do hita di ngolu on gabup ari, ai tarajumi do molo nunga taihuthon hata ni Debata, gabe dao ma sude arsak sian hita.
Ala ni i, boi do sipata “TAHATA” Debata, manang godang sungkun-sungkun di rohanta tu Ibana, siala ni godang ni nadokdok na taalami ala ni haburjuonta.

PANGALAHO NI SI JEREMIA INGKON BOI GABE CONTOH DI HITA NANG PE POSO DOPE IBANA ALAI NDANG POSO ANGGO HAPORSEAONNA.

Ndang dope ra songoni godang ni parungkilon nata-adopi nuaeng, di angka ngolu keluarga, parkarejoan, pardakdanaho, dohot lan naasing na taadopi di ngolu onhape nunga olo sipata talaosi hata ni Debata dibagasan pardalan ni ngolunta.

Ala holan Jamita tu hamubaon, hangaluton, hapogoson na boi ro jaloon ni ruas nang pe burju ibana, dohot lan na asing gabe godang ruas na mandok monotoon HKBP, gabe lao mambege Jamita napaboahon hasonangan dohot hadameon do di jamita nasida.

Sangaja do hupillit Thema ni syukuranta sadarion ima:
MISERIKORDIAS DOMINI namarlapatan ASI NI ROHA NI DEBATA manang songon nanidok ni Psalmen 33ayat 5B songon on:
Gok Asi ni Roha ni Jahowa do tano on.

Molo di Hurianta dung Minggu Parningotan d Haheheon ni Tuhan Jesus ro ma Minggu QUASIMODOGENITI namarlapatan Debata do haroroan ni Habisuhon dohot Hapistaran (Poda 1. ayat 7) dungi ro ma Minggu MISERIKORDIAS DOMINI.

Didok di 1 Tesalonika 5 ayat 18 songon on:
Mandok mauliate ma hamu ala saluhutna: ai ido dipangido Debata sian hamumarhitehite Kristus Jesus.

Ende No. 149 ayat 3 mandok: Manang aha pe namasa, las ni roha arsak pe, Tioponku Ho na basa, namarholong roha pe …………………………………

Adong do sian ruas I na so olo mangendehon Ende No. 204 ayat 2 namandok nasa nanilehonmi, tondi ro di pamatanghu, hosa dohot gogonghi ro di saluhut artangku, hupasahat I tu ho, na so unsatonhu do.

Jotjot do tarjadi di ngoluon namandok : SYUKURLAH TUHAN MEMBERKATI ima ditingki adong las ni roha, dapot untung, lulus ujian, naik pangkat dohot lan na asing namambahen las ni roha.
Padahal ditingki ro pangunjunan migor asing do pangalahona jala didok ma : Ndang adil Tuani.

CONTOH : SI MELHU PANANGKO PISANG DOHOT HAJI
Nang di angka Parjamita pe dapot jumping do na songoni:
Molo Debata donganta ise be alonta
Pandita dohot Dakdanak Parkatapel

Amanta hami pe dung do songoni : nang pe na togu haporseaonna, sampe ndang olo ibana gabe Guru tu Aceh ala ni barita hasilomon disi, dung do mandok ndang adil Tuhan i. Tubu anakna – 2 minggu mate, tubu boruna dung marumur 2 taon mate, tubu muse au, 8 bulan di bortian, inanta malaria tropika tubu au mate ndang marhosa, nunga sahat tu naditadingkon kunci jala lao ibana, hape ndang dihalomohon Debata gabe ambolong Amanta nami on, dung 10 menit sai dibalbali bidan on manggulmit ma inang ni jarijari ni pathu, didok ma MANGOLU.

Hita pe napungu on, anggota ni Paduan Suara Immanuel kususna jala sude napungu on pada umumna , tongtong ma hita sidok mauliate tu Debata di sude namasa tu hita,
Di borngin on, tapatupa do Malam Syukuran manang Mandok Mauliate tu Debata marhite Tuhan Jesus Kristus ala ni godang ni pasu-pasuna naung tajalo.
Molo secara jujur hita mangetong pasu-pasu natajalo sian Debata mulai dung tubu hita tu portibion, ra ma piga gudang buku tulis tuhoronta lao manurathon jala ra ndang hasuratan hita be ala ni godangna, ai setiap detik Tuhan memberkati hita. Porsea do hamu disi ? alusi hamu antong.

Jadi siala ni Miserikordias Domini – Holan ala ni Asi ni Roha ni Debata marhite panghokkop ni Tuhanta Jesus Kristus di hita pardosaon, hupillit ma ayat ni Panurirang Jeremia Bindu 17 ayat 7-8 on gabe pedoman di hita:

JAHA
Asa tong dibagasan pos ni roha hita mandok mauliate tu Debata, tung masa pe hamohopon, haraharon, tongtong marpabue siala pos ni roha di asi dohot holong ni roha ni Tuhanta.

AMEN

JES. 53:4-5 ; Johannes 3. 16

MISERIKORDIAS DOMINI
Lapatanna: ASI NI ROHA NI TUHAN
Asa tumangkas dibuat Hyria do sian
Psal,em 33: ayat 5B namandok songon on:
Gok Asi ni Roha ni Jahowa do Tano on.

Alai martua ma baoa na marhaposan tu Jahowa,
Jala Jahowa haporusanna dibahen.

Tudos do ibana tu hau na sinuan ditopi ni batang aek,
Jala manjarar uratna dilambung batang aek,
jala ndang mabiar ibana molo ro hamohopan,
jala tongtong rata bulungna,
jala ndang holsoan ibana di taon haraharon,
jala ndang mansohot marpabue.

JOHANNES 20:1-18

JAMITA DI PARNINGOTAN
DI HAHEHEON NI TUHAN JESUS KRISTUS
Minggu : 08 April 2007

Barita Nauli na sinurathon ni si JOHANNES Bindu 20
mamungka sian ayat 1 sahat ro di ayat 18 songon on ma didok
----------------------------------------------------------------------------
Andorang so hupungka manjaha jamita/renungan on, parjolo ma ahu dohot sude keluargaku pasahathon tu hamu:

SELAMAT PASKAH “JESUS SUDAH BANGKIT”
(alusna : Ya benar Jesus sudah bangkit)

Na di ari Jum’at 06 April 2007:
nadidok “Jumat Agung” marpungu do sude Halak Kristen di Garejana be patupahon ulaon di Parningotan ni Hamamate ni Tuhanta Jesus Kristus

Ia Hamatean” i ma sada fakta na so boi tulahon ni sude namangolu jala songon nanidok ni endenta i:
nasa jolma ingkon mate.
(kecuali songon nadibaritahon di Padan na robi si Henok dohot si Elia)
Ndang adong nanggo sahalak pe na boi mangalo hamatean i, namora, napogos, nasangap, nalea jala ndang adong sada hapistaran pe na boi manahan haroro ni hamatean i, sude do jolma ingkon mamolus hamatean i.
Molo songgop hamatean tu bagasan sada sada keluarga, sude do tarilu-ilu, tumatangis, nang angka tondong nahumaliang pe dohot do marhabot ni roha.

Ditonga-tonga ni parsaoran ni Halak Batak, tung sada sihabiaran situtu do hamatean i. Ala ni biar ni halak Batak tu hamatean i, dapot tarida do i dipandohan ni halak Batak:
1. Molo laho manaringoti na mate ditonga ni jabu sai parjolo do didok
“Santabi di Jabu on”
Songoni ma kehebatan ni hamatean i, sude do manghabiari,
“boasa tahabiari hamatean i?
Alus apala na positip i ma: ala ndang adong naumbotosa, tudia do jolma i molo dung mate. Sugari adong sian na mate I mulak lao paboahon tu tondongna mandok: tabo do hilalaon molo dung mate, ndang pola loja mancari, ma rade sude, holan na marpesta, godang tondong dohot lan naasing angka hasonangan, ra ndang mabiar be jolma mate, malahan mungkin naeng hurang tibu ibana mate.

Di Ari Parningotan ni hamamate ni Tuhanta Jesus Kristus, tangkas do tabege di partangiangan passion, ngalut ni partinaonan ni Jesus laho mangadopi hamatean i, dipasiaksiak, dilinsingi, sahat tu na dipajalhon Ibana di Hau Pinarsilang i. ingkon adopan ni Jesus hamatean i ndang ala ni dosaNa, manang ala ni hajahatonna, alai dijalo Ibana do i “ala ni holong ni rohaNa di hita jolma pardosa on”, ingkon mate Ibana humonghop hita, jala gabe dosa Ibana na so mardosa hian.
Sude do halak Kristen mamboto kejadian i marhite jamita nabinegena di Gareja dohot di angka partangiangan, dohot marhite najinahana di angka na tarsurat di bagasan Bibelta i. Jala taihuthon do Ulaon na Badia dohot tujuan dibagasan rohanta be asa parsidohot hita malua sian dosa siala panghokhopon ni Jesus di hita jolma pardosa on.
Jala marhite panghokhopon ni Tuhanta i, ingkon mate Ibana asa mangolu hita, ro ma sungkun-sungkun tu dirinta nuaeng: dung do taresapi panghokhopon ni Jesus i dibagasan dirinta be, gabe olo hita pauba rohanta mangoloi pangidoan ni panghokhopon i songon naung taoloi di padanta tu jolo ni Tuhanta I andorang so tajalo ulaon na badia i?

Bagian Paduahon :

Di namarningot hita sadarion di ari haheheon ni Tuhanta Jesus Kristus, parjolo sahali naeng idaonta disi i ma:

01. BUKTI naparjolo : Haheheon = Kebangkitan
A. Sugari ndang hehe Jesus sian namate, aha ma gunana hita martangiang, ala Jesus na mate i ndang mungkin ibana mambege tangiangta.
B. Sugari ndang hehe Kristus sian namate, ndang marguna be manjaha angka barita na tarsurat di Bibelta i.
C. Sugari ndang hehe Jesus sian na mate,magopo ma haporseaonta i.

BUKTI paduahon : Hagaleon ni haporseaon ni jolma i.

Songoni pe lelengna angka sisean ni Tuhan i rap dohot Tuhan Jesus, laos so adong do sian nasida namarningot pandohan ni Jesus “ Sipasahaton ma Anak ni jolma i tu tangan ni halak, jala pusaonna ma Ibana; alai dung dipamate, Hehe do Ibana di ari patoluhon” (Markus 9 ayat 31)

Malahan, angka alo ni Jesus do namarningot, pandohan i i ma angka Parise dohot Siboto Surat.

Laho pe Boru-Boru na ias roha i tu Tanoman ni Jesus di manogotna dung tolu ari, ndang ala na di ingot nasida pandohan ni Jesus namandok “Hehe Ibana di ari patoluhon” ndaong – alai ala ni adat hasomalan do di nasida i ma molo adong na mate, di ari patoluhon dung mate sai laho do nasida tu tanoman ni na mate i.
Adat hasomalan di Halak Batak, i ma, dung 3 ari dung di tanom na mate i, lao ma sisolhotna tu tanoman, didok ma di hasomalan ni Halak Batak manuan ompu-ompu.

pajumpang dohot Jesus naung hehe i
Songoni do parlao ni angka boru-boru tu tanoman ni Jesus, Ala ni holong ni roha nasida do di Jesus naung mate i umbahen na laho nasida tu tanoman i. Ndada ala ni pandohan ni Jesus na mandok: na hehe Ibana di ari patoluhon, jala bukti ni i: na so di ingot nasida pandohan ni Jesus ai tarsonggot do nasida ala di ida nasida nunga mungkap batu tutup ni tanoman i, jala ndang di ida nasida disi bangke ni Jesus.
Pingkiran nasida mandok: ise ma nabarani manangko bangke ni Jesus
nahinaholongan nasida i.
Jala dung ruar nasida sian tanoman i, di ida nasida ma sahalak baoa jongjong di si, jala mabiar ma nasida ai dirimpu nasida begu, alai didok baoa I ma tu nasida: ise naniluluanmu, ndang dison Ibana (Lukas 24. 6) mulak ma nasida jala nasida ma parjolo umbotosa naung hehe Jesus sian na mate, jala hapogan ma nasida mulak sian tanoman i.

02. BUKTI (3) Ngolu Naimbaru
Didok Tuhan Jesus tu si Maria “Unang Ahu Jama” ai ndang dope nangkok Ahu tu Ama i. Nalaho nangkok ma Ahu tu Damang jala Amamuna, tu Debatanghu jala Debatamuna. (ayat 17)

Dipatuduhon Jesus do disi, Ngolu Naimbaru, tugas dohot kewajiban, asa sahat do nang hapapatar ni haheheon ni Tuhanta Jesus tu hita na pungu on.

Asa marhite haheheon ni Tuhan Jesus sian na mate, asa arga tabahen ngolunta i, unang tapansuasaehon tu pargadombuson, hamalason, ta padao ma parhosomon, late, roha rimas, ginjang ni roha, dohot lan angka parrohaon na so nihalomohon ni Debata di hita naung manjalo ngolu naimbaru, dung mate Jesus humonghop hita ala ni dosanta jala hehe sian na mate lao mangondihon hita di ngolu naimbaru, asa tapangke ma nian ngolunta on tu angka namarguna di hita dohot di nahumaliang hita.

Taingot ma songon na nidok ni Jesus natarsurat di Mateus 16 ayat 26 na mandok: Aha ma gunana di jolma i.
Nang pe diomo sandok tano on, anggo mate do tondina,
ai boi jolma i pangolu tondi na mate.


St. D.P.Hutagalung/Br. Simarangkir

Songoni do nang hita halak Batak Kristen: Molo ditingki Ulaon na Hohom di ari parningotan ni hamamate ni Tuhan Jesus, dung didok Pandita sian jolo an, dungi tos ma hosaNa” dipalu giting-giting. Hohom ma sude jala torop do boru-boru tangis, ansosombopon marningot nahinaholonganna naung jumolo monding, jala ndang tatangisi dirinta jolma pardosa on, nang pe taboto do: hansit ni partinaonan ni Tuhantai, jala ingkon mate Ibana tarpajal di Hau Pinarsilang i laho humonghop dosantai, alai natarsingot do rohanta di angka natahaholongi naung jumolo monding i.

Jeremiah 17: 7-8

7. But blessed is the man who trust in the Lord,
whose confidence is in him.

8. he will be like a tree planted by the water that sends out its roots by the stream
It does not fear when heat comes, it leaves are always green, it had no worries in a year of drought and never fails to bear fruit.
---------------------------------------------------------------
Alai martua ma baoa namarhaposan tu Jahowa,
Jala Jahowa haporusanna dibahen.

Tudos do ibana songon hau nasinuan ditopi ni batang aek,
Jala manjarar uratna ditopi batang aek, jala ndang mabiar
ibana molo tung ro hamohopan, jala tongtong rata bulungna,
jala ndang holsoan ibana di taon haraharon,
jala ndang mansohot marpabue.
Jeremia 17. ayat 7-8
----------------------------------------------------------------
Hupillit do SUB. THEMA ni parpunguan Syukuranta on ima :
MISERIKORDIAS DOMINI namarlapatan ASI NI ROHA NI DEBATA manang Gok Asi ni Roha ni Jahowa do tano on (Psalmen 33 ayat 5B)

Di Hurianta pe adong do Minggu namargoar: MISERIKORDIAS DOMINI. i ma Minggu Paduahon dung Parningotan d Haheheon ni Tuhan Jesus

Didok di 1 Tesalonika 5 ayat 18 songon on: Mandok mauliate ma hamu ala saluhutna:
ai ido dipangido Debata sian hamumarhitehite Kristus Jesus manang……………………di
Epesus 5 20. Manongtong ma hamu mandok mauliate siala saluhut na tu
Debata Ama, di bagasan Goar ni Tuhan Jesus Kristus !

Di parpunguanta pe borngin on, i ma na mandok mauliate tu Debata siala pangiring-iring dohot pangaramotionna di Punguanta P.S. Immanuel, dapot tarida do i dibagasan tangiangta nangkining namandok: dipangke Debata PS. Immanuel gabe ulaula nametmet ditonga-tonga ni Huriana, mambaritahon hata ni Debata marhite angka Ende.

Secara jujur, molo ta-etong godang ni pasu-pasu natajalo sian Asi ni Roha ni Debata sian namamungka sahat tu naung 16 taon PS. Immanuel on, ra ndang cukup be buku tulis na di Toko Buku an pakeonta lao manurathon, jala nadang hasuratan hita be ra ala ni godangna, ai setiap detik ngolunta on diramoti Debata. (Mateus 6: 25-33)

Songoni do tongtong masa di ngolunta on, molo adong angka na masa na mambahen las ni roha, tadok do: SYUKURLAH TUHAN MEMBERKATI, manang i ma da : Basa-Basa ni Tuhan i do i. , manang Pinuji ma Debata.

Alai, dibagasan pamujionna marhite bibirna, jotjot do jolma i diluar kesadaranna masuk Sibolis tu bagasan rohana gabe manimbulhon Ego dohot Arogan gabe olo do dibagasan rohana manghatai donganna nahurang berhasil, namandok ala ni hamaloonna, ala ni jago ni ibana do umbahen nadapotsa i sude.

Gabe marhuaso ma portibion mangatur pardalan ni ngolunta jala gabe berubah ma pamujionta dohot haporseaonta ai ndang hasintongan di Asi ni Roha ni Debata be na marhuaso jala namangatur ngolu haporseaonta i.

Beha do muse molo ro tu hita na sebalikna :

Ditingki ro pangunjunan di ngolu on, harugian marboniaga, ndang lulus singkola, parsahiton, ndang naek pangkat dohot lan naasing parsorion i, migor mura ma mangula sibolis di rohanta gabe asing ma pangalaho ni angka na porsea i jala didok ma : Ndang adil Tuhan i.

Hape, ucapan syukur songon pinangido ni ayat na tarsurat di 1 Tesalonika 5 ayat 18 dohot di : Epesus 5 20. (sidok mauliate ma hamu ala sudena i.).

CONTOH : SI MELHU PANANGKO PISANG DOHOT HAJI PARSUMBAYANG
Nang di angka Parjamita pe dapot jumpang do na songoni:
Molo Debata donganta ise be alonta ---- molo ro ancaman, lupa ibana di nanidokna i. Contoh : Dakdanak par katapel.

Marungkil do hita di ngolu on ganup ari, ai tarajumi do molo nunga taihuthon hata ni Debata, burju hita tu Gareja dohot tu Partangiangan, gabe dao ma sude arsak sian hita. dapot hita ma nian angka nataparsinta, hape ndang songoni lomo ni roha ni Debata, gabe ala ni i, boi do sipata “TAHATA” Debata, manang godang sungkun-sungkun di rohanta

Songoni do tong Panurirang Jeremia :
Dung dipillit Debata ibana gabe Panurirang laho pasahathon tona dohot uhum ni Debata tu Bangso Jahudi naung gok dosa i. Ai holan barita hamagoan nanaeng masa tu bangsoi, barita haporsuhon dohot hangaluton do dibaritahon, asa olo nian muba roha ni bangsona i. Mulak tu dalan halomoan ni Debata.

Ndang songon Panurirang, manang Malim na asing na sai manjamitahon angka hasonangan, hadameon dohot lan angka na asing napasonanghon roha ni bangsoi.

Gabe holan na hona rehe-rehe, hona insak-insak sian bangsona i. Jotjot do ibana di paporsuk-porsuk, dipukuli jala dihurunghon,
Ala ni hansit ni partinaonanna i Panurirang JEREMIA SANDIRI pe dung do menghujat Debata . songon na tarsurat di Jeremia 20. ayat 7-8.

Alai nang pe songoni ndang mangorui haporseaonna, manang gabe ditadingkon ibana Debata namanuru ibana, alai lam toras ma haporseaonna laho pasahathon tona dohot uhum nanaeng pamasaon ni Debata tu bangsona i.

Songon namasa tu Panurirang Jeremia sian bangsonai ditingki i, ra tarsongoni do nang namasa di tingkion ditonga tonga ni Hurianta HKBP.

Burju do Naposo ni Debata di Huria i pasahathon Hata ni Debata nasasintongna, alai gabe rehe-rehe do dapot sian tonga-tonga ni ruasna i, na mandok monotoon do anggo jamita ni Pandita ni HKBP. Boasa monotoon: ai sintong do hata ni Debata dihatahon nasida, tona dohot uhum ni Debata songon natarsurat i do dihatahon nasida dohot sintong.,
Memang holan hamubaon ni roha, hasabamon, toruk ni roha, holong dohot dame do dijamitahon nasida, asa ulahonon ni ruas i. asa unang mago ruas ni Huria i.

Hape ia di inganan na asing begeon nasida ma jamita namandok hasonangan, dao parsahiton, mura dapot hamoraon dohot lan naasing i. Tabo-tabo di sipareon, gabe ala las ni rohana balga-balga ma dibahen peleanna.

Hape molo marminggu ibana tu HKBP ala holan jamita napaingothon do dibege, dia ma hepengna naummetmet ima lehononna peleanna.
Gabe asing do peleanna tu Tuhan ni HKBP sian Tuhan nabinegena di parjamitaan na asing. Memang songon roha ni si Melhu Panangko Pisang i dohot Haji i, godang do godang jumpang hita di ngolu siapari on.

Asa naeng ma nian hita napungu on, mangihuthon ngolu ni Panurirang Jeremia :
Jala sai songon pinangido ni ayat on ma hita sahat di ujung ni ngolunta.
Jadi siala ni Miserikordias Domini – Holan ala ni Asi ni Roha ni Debata marhite panghokkop ni Tuhanta Jesus Kristus di hita pardosaon, hupillit ma ayat ni Panurirang Jeremia Bindu 17 ayat 7-8 on gabe pedoman di hita:

Asa tong dibagasan pos ni roha hita mandok mauliate tu Debata, tung masa pe hamohopon, haraharon, tongtong marpabue na denggan siala haporseaon dohot pos ni roha di Asi dohot Holong ni roha ni Tuhanta.

AMEN

2 Musa 3 ayat 1 – 6.

5. Dungi ninna ma: unang jumonok ho tuson, tanggali ma sipatum sian patmu, ai tano na badia do hajongjonganmon.

Sipatu ima: alat na rotak, mandegei angka macam-macam di na nidalanan i.
Kiasan tu roha ni jolma : Molo naeng marsaor iba dohot Debata, ingkon tanggalon ma sude nasa na jat sian Pingkiran, pamatang, ai ingkon dohot roha na ias do iba molo naeng marsaor dohot Debata, marhite, na martangiang manang di parmingguon di Bagas Joro i.

1 KORINT 15 AYAT 50 – 58

Alasan ni Apostel Paulus manurathon surat na di Bindu 15 on ima:
Huroha ditingki i manang napiga-piga ruas na di Huria Korint naso porsea di haheheon ni angka naung mate i jala marhite pandohan i huhut do nasida ndang porsea/menyangkal haheheon ni Jeus Kristus sian namate, jala huhut menyangkal haheheon nasida sandiri .
Dipungka Apostel Paulus ma patoranghon tu nasida songon na disurathon di ayat 12 –14 : na mandok :

12. Marhua ma dohonon ni na deba sian tongatongamuna, na so adong haheheon
ni angka naung mate, dung sanga binaritahon taringot tu Kristus, paboa
naung dipahehe Ibana sian na mate.

13. Alai anggo so adong haheheon ni angka na mate.
Ndang na hehe nang Kristus.

14. Ai anggo so hehe Kristus sian angka na mate, rumar ma jamitanami, las
rumar ma nang haporseaonmuna.

Maksud ni Apostel Paulus di suratna on ima napabotohon tu halak Kristen na di Korint nang tu hita na pungu on, nang tu sude halak Kristen naporsea di panghokhop ni Jesus Kristus, bahwa nang pe tarihot/terletak do hamuliaon ni ha-Kristenoni di parngoluonta na so sempurna i dope di portibion. Alai inti ni ha-Kristenoni ndang holan memandang hangoluan na di portibion alai apala naumporlu ima manghirim tu hangoluan di ari sogot ima hangoluan nasaleleng ni lelengna di surgo i, i ma hangoluan na sempurna, kekal dan abadi siala panobuson ni dosanta marhite panaonon ni Tuhanta Jesus kristus di Hau Pinarsilang i.

Jempek do anggo ngolunta di portibion alai anggo tujuanta ima di hangoluan sogot di inganan naung pinarade ni Tuhanta di angka naporsea ima di surgo hasonangani.

Di ayat 50 – 51 didok:
50. On do nahudok disi ale angka dongan: Ndang tarbahen sibuk dohot mudar manean harajaon ni Debata, jala ndang tartean na olo busuk i hatongtongon i. (ida ayat 6 + 13)

Maksudna disi, ima: Ia dagingon daging natawarisi sian si Adam jolma naparjolo i, daging/pamatang naolo busuk do on jala ndang talub manjalo bagian dibagasan harajaon banua ginjang i, jala diharoro ni Tuhanta Jesus Kristus napaduahalihoni ingkon jolo ubaonna pamatang portibi ni angka halak naporsea di Jesus Kristus gabe pamatang rohani. asa tarjalosa manang asa dapot bagian ibana dibagasan harajaon banua ginjang i di Surgo hasonangan i.

IDA: Pilippi 3 ayat 21 Paubaonna do dagingta na lea on, gabe doshon dagingna nasangap i, ai tarpatunduksa do saluhutna tu Ibana.

RO MA SUNGKUN-SUNGKUN: DIHARORO NI TUHAN JESUS PADUAHALIHON I, BEHA DO ANGKA NAMANGOLU I DOPE.

Dialusi Apostel Paulus ma songon natarsurat di ayat: 51-54

51. Hahomion do nahudok on tu hamu: Ndang na saluhut hita monding; alai
saluhut do hita paluaonna. (ida Tes. 4: 14 + 17)

52. Tompu dibagasan sanghidop mata, dipanghuling ni sarune na parpudi i:
Ai manghuling ma sarune, gabe hehe ma angka naung mate i, tu
hatongtongon, laos paubaonna ma anggo hita. (ida: Mat. 4: 21 – 1 Tes. 4: 16)

53. Ai ingkon hatongtongon do manoluk na olo busuk on, jala hangongolu
namanongtong do manoluk na olo mate on.

54. Alai dung disoluk hatongtongon i na olo busuk on, jala disoluk hangongolu
na manongtong i na olo mate on, disi ma jumpang hata na tarsurat i:
Nunga tarbondut hamatean; nunga soluk hamonangan.
(ida : Jes: 25: 8 – Hos> 13.: 14)

Alai, asa lobi tangkas botoonta taringot tu sungkun-sungkun i taida ma natarsurat di: 1 Tesalonika 4: 15 – 17 na mandok:

15. Ai hata ni Tuhan i do nahupasahat hami nuaeng tu hamu, Ia mangolu pe hita, angka na mian ro di haroro ni Tuhan i, nda tung sumurung hita sian nasida naung monding i. (ida: 1 Kor. 15: 51)

16. Ai natuat ma Tuhan i sian banua ginjang mardongan suraksurak, marsoara
ma raja ni surusuruan, tarbege ma sarune ni Debata.
Dungi hehe ma jumolo angka na mate dibagasan Kristus. (ida 1 Kor. 15: 23. 52.)

17. Dung songon i, hita namangolu dope, angka namian i, taitonna ma hita rap
dohot nasida dibagasan angka ombun, laho manomunomu Tuhan i tu langit
an jadi olat ni i sai tongtong ma hita rap dohot Tuhan i.
(ida: Joh.12: 26-Joh.17:24)

Apostel Paulus patoranghon perobahan ni pamatang ni naporsea naung matei songoni nang perubahan ni pamatang ni naporsea namangolu diharoro ni Tuhan napadua halihon sogot, ima dibagasan sangkidop mata manolukhon pamatang naimbaru tu pamatang ni angka naporseai asa talub nasida maringan di hangoluan namarhasonangan di harajaon banua ginjang di surgo i.

Di na ro Jesusi paduahalihon rap dohot pangulu ni angka suru-suruan, manghuling ma disi sarune jala dibagasan sanghidop mata disolukhon ma pamatang partohap di harajaon banua ginjang i tu naporsea naung mate i dohot naporsea na mangolu i dope asa borhat nasida tu ombun nadilangitan mandapothon inganan naung pinarade di angka nasida naporsea di Jesus i.
Jala taringot tu hamonangan ni Jesus songon natarsurat di ayat 55 mandok:……………………………………………….

Taringot tu ayat on tu haheheon sian namate diangka naporseai nadisadur Apostel Paulus do sian hata ni Panurirang Hosea ima: HOSEA 13: ayat 14 namandok: (1050)

Di AYAT 56 didok: ……………..

Kesadaran ni jolma di dosa i ima nanidokna sorop ni hamatean i jala marhite parbinotoan ni jolma di Patik ni Debata nasampulu i diboto jolma i dosa naniulana i. Marhuaso do sorop (dosa) hamateani tu jolma i (1 MUSA 2 : ayat 17) (hal.3)

Sahalak do parohon dosa hamatean i di jolma i (Rom 5 ayat 12-14)(hal: 194) jala sahalak do napataluhon hamatean ala ni dosa i ima Tuhanta Jesus Kristus
(1 Korint 15 ayat 21) (hal: 221)

Alani i hita naung ditobus Jesus sian gonggoman ni dosa hamatean i jala dipadame Jesus hita dohot Debata Ama i gabe dapotan hasesaan ni dosa hita jala marhite i dihatongtongon ni haporseaonta dipanghonghop naI gabe parsidohot hita sogot di harajaon banua ginjang i.

ANTONG TAINGOT MA: MOMENTO MORI – MOMENTO KREATORIOS – MOMENTO GRATIA.

ASA DINAUNG TABOLUS UJUNG TAON NI PARHURIAON ON MASUK MA HITA TU MINGGU PANGARADEON DI HARORO NI SIPANOBUSI IMA MINGGU ADVENT NA OPAT I